Bargiidbellodat orru doalaheame válddi Romssas.
Romssa sátnejođiheaddji, Bargiidbellodaga Gunnar Wilhelmsen, dadjá ahte sii leat čađahan hui buori sosiáldemokratalaš politihka. Dán jagáš válggas sii ožžo 24,7 proseantta buot jienain.
– Leat buorit bohtosat. Mii oaidnit mot manná daiguin geaiguin galgat ovttasbargat. Muhto lea čielggas ahte lea ruksesruoná eanetlohku Romssas, dadjá otná Romssa sátnejođiheaddji Wilhelmsen.
Wilhelmsen dadjá ahte sii leat čorgen ekonomiija ja olbmuin lea luohttámuš sidjiide. Son válljejuvvui sátnejođiheaddjin ovddit gielddaválggain 2019.
Olgešbellodat oažžu 17,9 proseantta jienain ja Ovddádusbellodat lea goalmmát stuorimus bellodat 15,5 proseanttain buot jienain. SV lea njealját stuorimus bellodat 13,1 proseanttain. Jus bohtosat eai rievdda, de Gunnar Wilhelmsen váljejuvvo fas Romssa sátnejođiheaddjin.
(©NTB)
