Stáhtaministtar Jonas Gahr Støre (Bb) duođašta preassakonferánssas bearjadaga ahte dearvvašvuođa- ja fuolahusministtar Ingvild Kjerkol (Bb) guođđá doaimmas.
– Mu loahppajurdda lea ahte šaddá hui váttisin joatkit dan lossa barggu dearvvašvuođa- ja fuolahusministtarin, cealká Støre preassakonferánssas.
Stáhtaministtar lasihii ahte dearvvašvuođa- ja fuolahusministaris lea ovddasvástádus ollu dutkanpolitihkas. Dasa lassin dajai Støre ahte lea váivi, go Kjerkol lea okta dain buoremus Bargiidbellodat-politihkkáriin su oainnu mielde.
– Mii leat árvvus atnán Ingvild ráđđehusas, sihke ministtarin ja go son lea nana politihkar, dajai Støre.
Kjerkol duođaštii loahppajurdaga mii lea boahtán ovdan mediain.
– Lávdegoddi lea mearridan duššin dahkat masterbarggu, dadjá son.
