Birrasii 90 dállodoalu ožžo ássandoarjaga guovvamánus. Vuostáiváldi lohku lea dál lassánan badjelaš 19 000 olbmuin maŋŋá go ássandoarjja ortnet nannejuvvui alla elrávdnjegoluid dihtii.
Ássandoarjja, mii máksui guovvamánus, lea árvvoštallon vuostáiváldi ođđajagemánu tietnasis ja ássangoluin. Sii geat ožžo ássandoarjaga guovvamánus leat maiddái sii geain lea vuoigatvuohta oažžut gaskaboddosaš ássandoarjaga alla elrávdnjehattiid dihtii. Dát gaskaboddosaš nannen gusto 2021 juovlamánnui, ja 2022 ođđajagemánnui ja guovvamánnui, mat máksojuvvojit ođđajagemánus, guovvamánus ja njukčamánus, čállá Viessobáŋku preassadieđáhusas.
Sii geat ožžo máksot ássandoarjaga guovvamánus, ožžo 2 914 kruvnna ássandoarjjan guovvamánus ja dasa lassin gaskamearálaččat 2 600 kruvnna máksit alla elrávdnjegoluid.
Dán rádjai leat gielddat meannudan 1 500 ohcamuša ja 2/3 oasi sis ožžot sihke ássandoarjaga ja elrávdnjelasáhusa. Sii geat eai ožžon, tinejedje eambbo go earát.
Ná lea doarjja juhkkon
Romssas ja Finnmárkkus ožžo 2 981 dállodoalu doarjaga, 25 proseantta ledje mánnabearrašat, Gaskamearálaš tienas lei 16 085,- kruvnna ja gaskamearálaš ássangolut 8 220,- kruvnna ja gaskamearálaš ássandoarjja 2 500 kruvnna.
Álttá gielddas ožžo 224 dállodoalu doarjaga, 35 proseantta mánnabearrašat, gaskamearálaš tienas 16 043 kruvnna, gaskamearálaččat 8 377 kruvnna ássangolut ja gaskamearálaš ássandoarjja 2 472 kruvnna.
Guovdageainnu suohkanis ožžo 22 dállodoalu doarjaga, 25 proseantta ledje mánnabearrašat, gaskamearálaš tienas 13 789 kruvnna, 6 738 ássangolut ja 2 089 kruvnna ássandoarjja.
Kárášjogas gielddas ožžo 37 dállodoalu doarjaga, 23 proseantta mánnabearraša, gaskamearálaš tienas 13 851 kruvnna, ássangolut 6 559 ja 1 913 kruvnna ássandoarjja.
Porsáŋggu gielddas ožžo 57 dállodoalu doarjaga, 12 proseantta ledje mánnabearrašat, gaskamearálaš tienas lei 13 649 kruvnna, ássangolut 6 825 kruvnna ja 2 143 kruvnna ássandoarjja.
Deanu gielddas ožžo 28 dállodoalu doarjaga, 17 proseantta mánnabearrašat, gaskamearálaš tienas lei 12 990 kruvnna, 6 393 kruvnna ássangolut ja ožžo 2 057 kruvnna ássandoarjaga.
Unjárgga gielddas ožžo 14 dállodoalu doarjaga, 13 proseantta mánnabearraša, gaskamearálaš tienas lei 9 380 kruvnna, ássangolut 7 465 kruvnna ja ožžo 2 569 kruvnna ássandoarjaga.
Gáivuona gielddas ožžo dállodoalu doarjaga, 21 proseantta mánnabearrašat, gaskamearálaš tienas 15 .740 kruvnna, ássangolut 6 778 kruvnna ja 2 086 kruvnna ássandoarjaga.
Loabága gielddas ožžo 11 dállodoalu doarjaga, 42 proseantta mánnabearrašat, gaskamearálaš tienas 117 315 kruvnna, ássangolut 6 984 kruvnna ja 2 227 kruvnna ássandoarjaga.
