Dállodoalut ožžo gaskamearálaččat 2 841 ruvnnu ássandoarjagis, ja dasa lassin 1 500 ruvdnosaš liigemávssu mii galgá gokčat alla elrávdnjegoluid.
Buohtastahttojuvvon 2021 juovlamánuin de lassánedje dállodoalut geat ožžo ássandoarjaga ođđajagimánus masá 15 000 dállodoaluin, mii dahká sullii 21 % lassáneami. Lassáneapmi boahtá das go Stuoradiggi mearridii ásahit gaskaboddosaš nannema ássandoarjagis alla elrávdnjehattiid dihtii.
Tromssas ja Finnmárkkus ledje 2 142 vuostáiváldi juovlamánus ja ođđajagemánus ges 2 582 . Dat lea lassáneapmi 386 dállodoalus, dahje 18 %.
Husbanken lea maid láhčán nu ahte gielddat álkit sáhttet dieđihit iežaset ássiide ahte eambbosat sáhttet oažžut ássandoarjaga.
