Juovlamánu 15. beaivvi sádde Vearroetáhta 4,4 miljovnna vearrokoartta olbmuide. Lohká dán jagi leamaš stuorra reantolasáhusat ja danin lea dehálaš dárkkistit loguid 2024 vearrokoarttas.
Otná rájes lea vearrokoarta 2024 gárvvis. Sáhtát fitnat skatteetaten.no siiddus dárkkisteamen loguid ja buohtastahttit loguiguin maid vuorddát tinet ja man olu sáhtát geassit eret boahtte jagi. Vearroetáhta lea rehkenastán vearu ovddeš tietnasiin ja eretgeassimiis. Jus eai leat rivttes logut, de berret daid rievdadit vai vearrogeassin šaddá nu riekta go vejolaš.
– Mii leat bidjan vearrogeassinlogu dan mielde maid mii vuordit dus lea opmodat, tienas ja geasus. Muhto Vearroetáhta ii dieđe buot du birra ja daid áššiid birra mat sáhttet váikkuhit du ekonomiijii. Danin lea dehálaš ahte mii dárkkistat dieđuid ja bidjat rivttes dieđuid, nu ahte vearrogeassin šaddá nu riekta go vejolaš, lohká vearrodirektevra Nina Schanke Funnemark.
– Berre dárkkistit loanaid ja vealgereanttuid
Son deattuha ahte berre dárkkistit loanaid ja vealgereanttuid, nu ahte vearrokoarta doallá deaivása man olu vurdet du máksit vearu jagi 2024:s. Dat gusto maid reantotietnasii.
– Don sáhtát rievdadit vearrokoartta olles jagi ja dan dagat skatteetaten.no siiddus. Doppe čájehuvvo mo logut váikkuhit vearrogeassimii. Maŋŋá go leat rievdadan loguid, de it dárbbaš maidege bargat, mii sáddet ođđa vearrokoartta dutnje, bargoaddái ja NAV:i, lohká Funnemark.
Sii geat dihtet sii tinejit uhcit go 70 000 kruvnna jagi 2024:s ožžot friijakoartta, muhto jus it dieđe tinet go eambbo, de gánnáha tiŋgot vearrokoartta vai mávssát rivttes vearu.
Eambbo dieđut dáppe: skatteetaten.no/skattekort.
