Dál lea juste ovdalaš go fitnodagat ožžot vearro- ja divatgáibádusaid njuolga iežaset mobiila- dahje neahttabáŋkkuide, mii álkidahttá oaidnit goluid ja máksit daid.
Vearroetáhta vásiha ahte lea erenoamáš váttis ovttaolbmofitnodagaide ja smávva oasusservviide áddet ja bargat riekta. 35 % buot oktavuođaváldimiin Vearroetáhtain leat go háliidit diehtit man ollu sis lea vealgi ja go dárbbašit oažžut kontučáláhusa oažžun dihte bajilgova. Danne buktá Vearroetáhta dál ođđa bálvalusa.
«Gáibádusat ja máksámušat» addá ealáhusdoaimmaheaddjái ollislaš gova das mii sus lea vealgi ja mii lea buorrin njuolga mobiillas dahje neahttabáŋkkus. Bálvalus galgá veahkehit ealáhusjođiheddjiid oaidnit buorebut iežaset ekonomiija ja máksit rievttes áigái, vai eai geava vealgeváttisvuođaide ja reastaluvvamii.
