Vearrokoarta mearrida olu dus gessojuvvo vearru bálkkás, penšuvnnas ja eará olggosmáksimiin.
Badjel 2,1 miljovnna olbmo leat dárkkistan iežaset vearrokoartta maŋŋel go dat sáddejuvvui olbmuide, ja leat maid oallugat geat rievdadit vearrokoartta.
Eatnasat geat rievdadit, dahket rievdadusaid dietnasa, vealggi ja ruđa ektui mii lea báŋkkus.
Reantu maid vearroetáhtta máksá dutnje jus leat máksán beare ollu vearu lea dat seamma go don šattat máksit bázahusvearus, namalassii 2,15 proseantta. Báŋkkuid ekonomat eai ávžžut ovttage máksit beare ollu vearu, muhto baicca seastit ruđaid seastinkonttus dahje oasusfoanddas.
Jus áiggut iskat ja rievdadit vearrokoartta, de dagat dan skatteetaten.no siiddus.
