Dárkkis iežat vearrodieđáhusa seamma vuđolaččat, de go leat dárkkisteamen oaččut go ruđaid ruovttoluotta vai fertet go eambbo vearu máksit, čállá vearrodirektevra Nina Schanke Funnemark dán kronihkas.
Dáid beivviid vurdet olusat dieđu, šaddet go máksit eanet vearu vai ožžot go ruovttoluotta ruđaid. Vearroetáhtas diehtit mii ahte eatnašat dárkkistit dalán šaddá go minus dahje plussa go oažžut dieđu ahte vearrodieđáhus lea gárvvis. Rávven buohkaid čohkkedit ja dárkkistit ráfis ahte buot dieđut ja logut leat riekta, deavdit dakko gokko dieđut váilot vai olmmoš sáhttá leat oadjebas ahte vearru maid máksá lea riekta.
Vearrodieđáhus lea gaskaboddosaš vuođđu go vearroetáhtta rehkenastá man olu vearu don galggat máksit. Eanaš dieđut leat juo sajis, go bargoaddi, báŋkkut ja eará ásahusat dieđihit loguid Vearroetáhttii. Muhto don fertet gárvet vearrodieđáhusa, dárkkistit ahte ovddalgihtii logut dollet deaivása ja njulget boasttuvuođaid ja deavdit daid dieđuid mat váilot.
Don dat dovddat iežat ruhtadili buoremusat, ii ge jahki leat diimmá jagi gáibmi, go olu sáhttá eallimis rievdat mii váikkuha du vearrodillái. Ovdamearkkat mat sáhttet váikkuhit du vearrodillái, nu go bargumolsun, bálkárievdadus, penšuvdna, ođđa bearašdilli, penšunistadillái lávken, oastán dálu dahje láigohan dan dahje fárren.
Dárkkis ahte buot logut leat riekta, olu sáhttá rievdan diimmá ektui. Dárkkis maid sáhtát geassit eret ovddalgihtii devdojuvvon vearrodieđáhusas. Soaitá dus lea vuoigatvuohta oažžut mahkáš mátkegessosa. Jus leat eahpesihkar, geahča fradragsveilederen på Skattetaten.no.
Naba jus dus lea ruhtaloatna earáiguin, lea go juohkin din gaskkas riekta. Dás gávnnat sierra dieđu: egen informasjon om temaet på Skatteetatens nettsider.
Lea go buot dieđut dálu birra riekta? Lea go opmodatvuođu árvu riekta, huksenjagi, dálu sturrodaga ektui ja dárkkis ahte buot dieđut leat riekta du opmodaga birra.
Eambbo dieđut dás: Lurer du på noe sjekk skatteetatens nettsider. Leat go vuovdán dahje láigohan dálu earáide? Fertet go vearu das máksit vai sáhtát go gáibidit geasusa. Sjekk skatt når du leier ut bolig. Leat go du ossosat mielde?
Lea dehálaš dárkkistit oasusseastinkonttu, árvobáberfoandda ja eará finánsabuktagiid opmodaga árvvu ja/dahje jahkelogahallama, leat go vuoittu dahje massima bealde. Fertet maid lasihit kryptovaluta, loana olgoriikkas ja priváhta loanaid. Sávan don dárkkistat loguid. Jus eai leat nu olu rievdadusat, de oahpásmuva iežat loguide.
Čálli Vearroetáhta direktevra Nina Schanke Funnemark
