Čieža direktoráhta galget ovttasbargat ja sihkkarastit ahte mánát ja nuorat galget leat oadjebasat neahtas.
– Mii diehtit ahte interneahtta lea stuora ja dehálaš oassi mánáid ja nuoraid árgabeaivvis. Danin fertet buorebut bargat ovttas vai digitála bajásšaddan šaddá nu oadjebas go vejolaš, dadjá mánáid- ja bearašministtar Kjersti Toppe.
Direktoráhttajoavku čuovvula nationála strategiija oadjebas digitála bajásšaddamii, «Rett på nett», mii almmuhuvvui 2021 čavčča. Dehálaš bargu ovdajoavkkus lea ráhkadit doaibmaplána mii čielggada strategiija.
Mediabearráigeahčču galgá jođihit joavkku, mas leat ovddasteaddjit Mánáid-, nuoraid-, ja bearašdirektoráhtas, Dearvvašvuođadirektoráhtas, golaheaddjibearráigeahčus, Oahpahusdirektoráhtas, Databearráigeahččus ja Politiijadirektoráhtas.
