Mediabearráigeahčču lea juolludan 41 miljovnna ruvnnu aviissaide main sápmelaččat leat ulbmiljoavkun.
Ávvir oažžu 22,1 miljovnna ruvnnu ja Ságat ges 17,2 miljovnna ruvnnu buvttadandoarjjan.
Snåsningen oažžu 731 929 ruvnnu go buvttada muhtin ráje aviisasiidduid máttasámegillii ja NordSalten Avis ges oažžu 914 911 ruvnnu buvttadit aviisasiidduid julevsámegillii.
– Doarjja fuomášuhttá sámegielaid, lohká Mediabearráigeahču ossodatdirektevra Hanne Sekkelsten preassadieđáhusas.
Doarjjaortnega ulbmilin lea láhčit dili demokráhtalaš debáhtaide, oaivillonuhallamiidda ja giellaovdáneapmái sámi servodagas.
(©NTB)
