-Almmuhus-
SMÁVVAOĐĐASATDearvvašvuođa­ministtar bivdá gielddaid leat doaimma­lažžan

Dearvvašvuođa­ministtar bivdá gielddaid leat doaimma­lažžan

Journalista

-

-

Dearvvašvuođaministtar Bent Høie (O) bivdá gielddaid, gos leavvá njoammun, leat doaimmalažžan vai nagodit bissehit njoammuma. Son čujuha Hámmerfestii ja Troandimii.

– Dál ii leat nu ahte olles riika lea mielde nuppi dásis rahpamis. Muhtin gielddat fertejit vuordit, go doppe lea alla njoammun, dajai Høie ráđđehusa preassakonferánssas gaskavahkku.

– Doppe gos lea báikkálaš njoammun lea dárbu garra doaibmabijuide vai bissehit njoammuma, dajai dearvvašvuođaministtar.

Son čujuhii Hámmerfestii ja Troandimii.

– Hámmerfeasttas leat ásahan garra doaibmabijuid vai bissehit leavvama. Troanddimis reagerejedje jođánit go fuobmájedje ahte ássiin lei njoammun. Mun ávžžuhan eará gielddaid gos sáhttá leavvat leat liikká doaimmalažžan, dajai Høie.

Olu gielddat, mat leat leamaš gáibideaddji dilálašvuođas guhká, barget dál sin ássiid boahkuhemiin.

– Mii fertet doalahit njoammunlogu vuollin vai sáhttit doaimmahit dan dehálaš barggu, dajai Høie.

(©NTB)

-Almmuhus-