Politiijat leat ožžon olu cavgilemiid olbmuin maŋŋel báhčindáhpáhusaid Hámmerfeasttas dán vahkkoloahpa.
Politiijat ožžo lávvordaga máŋga cavgileami maŋŋel go bearjadaga ohce vihtaniid máŋgga báhčimii Hámmerfeasttas. Ii oktage leat gal dán rádjái váldon gitta áššis, čállá NTB sotnabeaivve iđida.
Politiijat ohcet ain vihtaniid geain sáhttet dieđut dasa go muhtin dahje muhtimat leat báhčalan áibmobissuin dahje sullasaš vearjjuin. Earret eará leat báhčán láse vuostá muhtin priváhta orrunbáikkis ovtta áigge bearjadat ija, ja maiddái guovtti bussevuordinbáikki guvlui seamma ija.
– Jus oktage lea oaidnán olbmuid geain leat vearjjut, oaidnán biillaid dahje eará mii sáhttá čadnon áššái Baksalen/Storvannet guovllus gaskija rájes beal guovtti rádjái ihkku, dahje jus olbmuin leat kámerat leamaš alde dán guovllus, de sii galggašedje váldit oktavuođas politiijaiguin, dadjá dutkanjođiheaddji Anette H. Sætrang preassadieđáhusas.
– Mii háliidit maid dieđuid jus oktage lea oaidnán sullasaš dáhpáhusaid Lávželuovttas, lohká dutkanjođiheaddji.
(©NTB)
