Eanas áššit russaáiggi oktavuođas máksá, muhto Stáhta geaidnodoaimmahat dárkkista russabiillaid ja russabussiid áibbas nuvttá.
– Leago dus russa ruovttus? Bearráigeahča ahte son boahtá dárkkástussii min lusa, nu ahte mii beassat dárkkistit lea go biila dahje busse mii geavahuvvo russaáiggis oadjebas johtolagas, dadjá Stáhta geaidnodoaimmahaga Øyvind Lund.
Jus biila dohkkehuvvo, de oažžu obláhta ovdalásii. Dáinna obláhtain garvet russat miessemánus stuorát teknihkalaš bearráigeahču geainnuid alde. Jus biila dahje busse ii dohkkehuvvo nuvttábearráigeahčus, de besset nuorat diehtit maid fertejit divvut vai besset oadjebasat vuodjit russaáiggis.
– Midjiide lea dehálaš ahte russain lea oadjebas russaáigi, maiddái geainnu alde. Danne mii sávvat ahte nu ollu váhnemat go vejolaš hástet russaid geavahit dán erenoamáš fálaldaga, dadjá Lund.
