Njukčamánus dušše 14 olbmo Norgga geainnuin. Dat lea oktanuppelohkái eambbo go diibmá, ja lea alimus lohku njukčamánus maŋemus logi jagis.
– Njukčamánnu šattai surgadis mánnun johtolagas. 14 olbmo leat olu eambbo go 2023:s ja ovddit jagiid ektui. Dat lassáneapmi vuorjašuhttá min, dadjá Stáhta geaidnodoaimmahaga ossodatdirektevra Guro Ranes.
Ovcci albmá, njeallje nissona ja okta gánda dušše njukčamánus. Guovttis sis leigga vácci, čieža olbmo dušše deaivvadanlihkohisvuođain, njealjis badjelluottavuodjinlihkohisvuođain, ja okta lihkohisvuođas el-čiekčansihkkeliin. Ovtta deaivvadanlihkohisvuođas jápme golbma olbmo.
Dán rádjai dán jagi leat 22 olbmo duššan johtolagas. (©NTB)
