Studeantan sáhtát don válljet molssut go Álbmotregistara čujuhusa mii dus dál lea vai it. Dat válljen sáhttá váikkuhit du vuoigatvuođaide.
Lea olu maid studeanta berre smiehtastit, ovdal go fárre studerenbáikái. Don, gii leat studeanta, galggat jienastit dan gielddas gos don ledjet registrerejuvvon ássamin geassemánu 30. beaivvi. Studentii sáhttá leat dát Álbmotregistarii registrerejuvvon čujuhussii/adressii, čatnašuvvat sihke vuoigatvuođat ja geatnegasvuođat.
Danin ávžžuha Álbmotregistara ossodathoavda Roar Sellevoll studeantta dárkkistit mo čujuhus/adreassa rievdadeapmi eará báikái váikkuha studeantta dillái, ovdal go sádde farrendieđáhusa Álbmotregistarii.
– Gieldda- ja fylkkaválggain galgat jienastit dál čakčamánus dan gielddas gos dus, studeanttas, lea ássanbáikečujuhus registrerejuvvon Álbmotregistarii geassemánu 30. beaivvi, lohká Sellevoll preassadieđáhusas.
Dárkkis váikkuhusaid
Sellevoll lohká dat ovdamearkka dihtii sáhttá váikkuhit man báikkis dus lea vuoigatvuohta oažžut fástadoaktára. Loatnakássa ii gáibit ahte galggat rievdadit álbmotregistrerejuvvon čujuhusa vai oaččut stáhtusa nuppe báikki ássin.
Sáhtát rievdadit ođđa poastačujuhusa nuvttá Skatteetaten.no siiddus, muhto jus háliidat fárret iežat studiebáikái, de fertet dieđihit fárrema ođđa čujuhussii.
