Oppalaččat muhtii ja arvvii Norggas 20 proseantta embbo go dábálaččat guovvamánus. Biddjojedje 15 ođđa arveolahusa. Davvin lei guovvamánus buolaš ja goikkis.
– Østlánddas Mátta-Norggas lei golbma gráda lieggasut go dábálačččat. Muhtin guovlluin Tromssas ja Lofuohtas/Vesterálaš lei guovvamánnu «čoaskkis», muđui lei Davvi-Norggas dálki nu mo láve, lohká Meteorologalaš instituhta dálkedutki Jostein Mamen preassadieđáhusas.
Guokte temperatuvraolahusa
Guovvamánu 27. beaivvi lei Čáhcesullo girdingiettis Tromssa ja Finnmárkku fylkkas 5,4 gráda, mii lea lieggasamos mii goassege lea doppe mihtiduvvon. Ákŋoluovttas mihtiduvvui seamma beaivvi 8,4 gráda, mii lea seamma olu go 2008:s. Gaskamearálaš temperatuvra Norggas lei 1,1 gráda lieggasat go dábálaččat.
Lieggasamos stašuvnnat
Lindesnes čuovgatoardna (Agder) 4,8 gráda (2,8 gráda lieggasat go dábálaččat), Lista čuovgatoardna(Farsund, Agder) 4,7 gráda (2,8 gráda lieggasat go dábálaš), Røvær (Haugesund, Rogaland) ja Kvitsøy – Nordbø (Rogaland) 4,6 gráda (1,9 gráda ja 1,8 gráda go dábálaččat).
Buollašeamos
Dáin stašuvnnain lei buollašeamos: Guovdageaidnu (Tromsa ja Finnmárku) -13,7 gráda (seammá go dábálaččat), Kárášjogas – Márkannjárggas (Tromsa ja Finnmárku) -13,1 gráda (0,8 gráda eambbo go dábálaččat), Suolovuopmi – Lulit (Guovdageaidnu, Tromsa ja Finnmárku) -12,9 gráda (0,1 gráda eambbo go dábálaččat)
Máŋga arveolahusa Mátta-Norggas
Eanemus arvi mii lea mihtiduvvon guovvamánus lei Vågsli Vinje gielddas (Vestfold ja Telemárku) gos arvvii 192,1 millimehtera. Sogndal (Vestlánda) Bremuseet arvvii 342,8 millimehtera guovvamánus, mii lea guktuid stašuvnnaid olahus 2020 rájes. 13 stašuvnnas Vikenis, Oslos ja Telemárkkus mihtidedje eanemus arván jándoris mii lea olahus. Máŋga stašuvnna Nordlánddas mihtidedje 50 gitta 75 proseantta arvvi go dábálaččat.
Eanemus arván
Dáin stašuvnnain mihtidedje eambbo arván go dábálaččat. Gullfjellet (Bergen, Vestlánda) 493,6 millimehtera (39 proseanta eambbo), Øvstedal (Voss, Vestlánda) 453,6 millimehtera (46 proseanta eambbo), Myrkdalen – Vetlebotn (Voss, Vestlánda) 447,5 millimehtera (39 proseantta eambbo).
Uhcimus arván
Dát stašuvnnat mihtidedje uhcit arvvi go dábálaččat. Birtavárri – Holmen (Gáivuotna, Tromsa ja Finnmárku) 8,2 millimehtera, Dombås – Nordigard (Innlandet) 12,1 millimehter (57 proseantta uhcit), Tynset – Hansmoen (Innlandet) 13,8 millimehtera (38 proseantta uhcit)
