Barnekreftforeningen juolluda vuot ruhtadeami dehálaš dutkamii mánáidborasdávdii, internationála mánáidborasdávdabeaivvi, guovvamánu 15. beaivvi.
Dán jagi čevllohallat go beassat juohkit eambbo go 22 miljovnna ruvnnu mánáidborasdávdda dutkamii. Muhto ii leat Barnekreftforeningen okto mii juohká daid ruđaid. Áŋgiruššan addit ja doaibmaoasálaččat beroštit áššis, ja lea dáid berošteddjiid dihtii ahte Barnekreftforeningen lea šaddan doarjjaaddi Norgga fágabirrasii mii dutká mánáidborasdávdda, čállá Barnekreftforeningen preassadieđáhusas.
Dutkan mánáidborasdávddas lea historjjálaččat leamašan suorgi mii ii leat vuoruhuvvon Norggas, ja mii leat maŋŋelis kránnjáriikkaid. Dainna háliida Barnekreftforeningen bargat juoidá.
– Mii bargat ahte politihkkárat galget áddet beroštumi mánáidborasdávdadutkamis, muhto dan botta go dan vuordit, de leat ieža váldán ášši badjelassii, dadjá Barnekreftforeningena beaivválaš jođiheaddji, Trine Nicolaysen.
