90 proseantta 1. luohkkálaččain lea Astoáigefálaldat (AÁF) maŋŋel skuvlla. Ná olu mánáin ii leamaš AÁF-sadji ovdal.
Maŋŋel go ráđđehus mearridii fállat vahkkosaččat 12 diimmu nuvttá AÁF-saji vuosttašluohkkálaččaide, de leat mánát lassánan Astoáigefálaldagain buot fylkkain.
Masá 56 000 vuosttašluohkkálaččain lei AÁF-sadji golggotmánu 1. beaivvi 2022-2023 skuvlajagi, čájehit Statistihkalaš guovddášdoaimmahaga logut. Dat mearkkaša ahte 92 proseantta buot 1. luohkkálaččain oassálaste Astoáigefálaldagas maŋŋel skuvlla. Dat lea gávcci proseantta lassáneapmi ovddit skuvlajagi ektui.
Oktiibuot lei 165 000 mánás AÁF-sadji, ja nu olu mánát eai leamaš Astoáigefálaldagas ovdal. AÁF-oassálastin rievddadallá eanemusat smávva gielddain ja doppe heitet mánát árabut Astoáigefálaldagas go stuorát báikkiin ja gávpogiin.
Statistihkalaš guovddášdoaimmahaga dieđuid mielde leat iešguđetge sivat manin unnit mánát geavahit Astoáigefálaldaga maŋŋel go gerget 1. luohkás, muhto logut čájehit ahte beroštupmi lassána go doarjjaortnegat viiddiduvvojit.
(©NTB)
