92 proseantta vuosttaš luohkkálaččain lea sadji skuvllaid astoáiggefálaldagas.
Eai goassege ovdal leamas nu olu mánát astoáiggefálaldagas (AÁF) go dál. Vuosttaš luohkkálaččaid searvvis lea 92 proseanttas sadji AÁF:s, diibmá lei 82 proseantta vuosttaš luohkkálaččain AÁF:s, čájehit Oahppodirektoráhta logut. Maiddái 2., 3. ja 4. luohkkálaččat lassánit AÁF:s.
Oktiibuot leat skuvllaid astoáiggefálaldagas 165 000 máná, dat leat 12 000 eanet go diibmá.
Eambbosat soitet ohcan saji mánáide AÁF:s go diibmá mearridii ráđđehus juolludit 12 diimmu nuvttá saji vuosttaš luohkkálaččaide. Dat mearkkaša ahte bearaš seastá birrasii 20 000 ruvnnu.
– Gáibideaddji ekonomiijadilis lea hálbbit AÁF dehálaš bearrašiidda. Danin lea mu mielas riekta ahte ráđđehus ja Sosialisttalaš gurutbellodat vuoruha nuvttá áiggi AÁF:s sihke vuosttaš- ja nuppiluohkkálaččaide boahtte jagi stáhtabušeahtas, lohká stáhtaministtar Jonas Gahr Støre preassadieđáhusas. (©NTB)
