-Almmuhus-
SMÁVVAOĐĐASAT12 diibmosaš nuvttá SAÁO fálaldat 1. luohkká mánáide

12 diibmosaš nuvttá SAÁO fálaldat 1. luohkká mánáide

-

-

Buot mánát geat vázzet vuosttaš luohkás ožžot 12 diimmu nuvttá astoáiggefálaldaga vahkkui, dieđiha Máhttodepartemeanta.

– Ráđđehus háliida nana oktasašskuvlla gos oahppit leat fátmmastuvvon, máhttet ja ohppet. Oktasašskuvla viiddiduvvo vuosttaš geardde máŋgga jahkái go ásahat nuvttá diimmuid SAÁO:s (Skuvlla astoáiggeortnet doaim. meark.). Dát lea historjjálaš! dadjá máhttoministtar, Tonje Brenna, Ráđđehusa preassadieđáhusas.

Gažadanevttohusas čuožžu ahte nuvttá diimmut galget juhkkot daid beivviide goas SAÁO dábálaččat lea rabas, ja jus suohkanis lea SAÁO-fálaldat luomus, de galgá leat nuvttá fálaldat dalle maid. 

Oahppodirektoráhta lea sádden evttohusa gažadeapmái. Gažadeami áigemearri lea cuoŋománu 29. beaivvi.

-Almmuhus-