Čavčča rájes ožžot 5500 vuosttašluohkkámáná 60 gielddas nuvttá ollesáigesaji SAÁF:s. Dat leat oahppit bearrašiin geain lea unnit dienas.
– Váhnemiid ruhtabursa ii galgga mearridit besset go mánát oassálastit stoahkamis ja oahppamis maŋŋel skuvlla, dadjá máhttoministtar Tonje Brenna (Bb).
Borgemánu rájes galget buot vuosttašluohká mánát miehtá riikka oažžut nuvttá SAÁF:s guoktenuppelohkái diimmu juohke vahkku. Dál addá ráđđehus maid 60 gildii vejolašvuođa addit ollesáigesaji SAÁF:s vuosttašluohkkálaččaide geat bohtet bearrašiin geain lea unnit dienas. Doaibmabidju máksá 79 miljovnna ruvnnu 2022-23 skuvlajahkái.
– Astoáigefalaldat lea dehálaš ustitvuhtii, oahppamii ja aktivitehtii. Nuvttá SAÁF:in ožžot eambbosat nannosit oktasašskuvlla ja njulge sosiála erohusaid servodagas. Bearrašat geain ii leat nu buorre ráđđi sestet duháhiid ruvnnuid jahkásaččat, ja dagaha ahte váhnemiidda lea álkit oassálastit bargoeallimis, dadjá Brenna.
