Golggotmánu 26. beaivvi rájes lea vejolaš mátkkoštit njuolgga Romssas Københápmanii Norwegian girdi mielde.
Girdimátki boahtá ádjánit badjelaš bealgoalmmat diimmu, čállá girdifitnodat preassadieđáhusas.
– Lea somá go beassat fállat njuolggogirdi Romssa ja Københápmana gaskka. Dánska oaivegávpot lea okta dain bivnnuheamos mátkkoštanguovlluin norgalaččaide, dadjá Norwegian kommersiealladirektevra Magnus Maursund.
Maursund dieđuid mielde lea dát ođđa ruvtto hui bivnnut fitnodaga mátkkošteddjiid gaskkas.
(©NTB)
