Norwegian ođasmahttá iežas logo vuosttaš geardde dan rájes go vuođđuduvvoi 2002:s.
– Norwegian logo ja mearkagálvu leat hui oahppásat ja árvvusadnojuvvon, ja dainna mii duođai čevllohallat. Vaikko mii ođasmahttit ge iežamet, de mii lohpidat ahte kundarat bohtet dovdat min, dadjá Norwegiana márkan- ja kunddárbálvalusjođiheaddji Christoffer Sundby.
Muhtun muddui lea vuolggasadjin ahte lea dárbu heivehit visuála profiilla dálá gáibádusaide ja dárbbuide márkanfievrridanbargguin, čilge fitnodat preassadieđáhusas.
Ođasmahttin dáhpáhuvvá dan oktavuođas go fitnodat devddii 20 jagi 2022:s, ja seammás mearridii ahte áigu šaddat Eurohpá buoremusat geavahuvvon ja luohtehahtti girdifitnodahkan.
