Statistihkalaš guovddášdoaimmahaga logut joatkkaskuvlla čađaheamis maŋŋel vihtta/guhtta jagi lea movttiidahtti Finnmárkui: – Čájehit ahte Finnmárkku nuorat stuorát oasis čađahit joatkkaskuvlla, dadjá fylkkaráđđi Bjarne Rohde (SG).
– Lean hui movtta go čađaheapmi lassána Finnmárkkus. Buot bargit, geat barget nuoraiguin, leaš dal hálddahusas, oahpahusas dahje ráđđeaddin, barget garrasit juohke beaivvi vai nuorat čađahit oahpu. Logut čájehit ahte bargat olu riekta, dadjá máhtu ja integrerema fylkkaráđđi.
Čađaheapmi Finnmárkkus lea lassánan jagi ovdalis, 70,1 proseanttas 71,2 prosentii. Lassáneapmi lea joavkkus geat čađahit dábálaš áiggis.
– Mis lea ulbmil lasihit čađahangráda juohke jagi, nu ahte dál ii leat go joatkit dan guvlui, dadjá Rohde.
