Maŋemus jándora leat gávdnon 26 ođđa korona njoammuma Bergenis. Ja 17 olbmo leat Norgga buohcceviesuin dávdda dihte.
22 dan 26 olbmos geain lea duođastuvvon korona, lea leamaš oktavuohta álggahanvahku studentadoaluide.
Bergena suohkana Roger Valhammer dajai preassakonferánssas ahte dat leat alla logut.
Dušše njeallje dain njoammumiin ii leat oktavuohta studentadoaluide.
– Mii ávžžuhit studeanttaid leahkit várrogasat, dajai Bergena suohkana dervvašvuođaráđđi Beate Husa (Risttalaš Álbmotbellodat).
Buohcceviesuin
Dál leat oktiibuot 17 olbmo Norggas buohcceviesuin korona dávdda dihte. Dat leat lassánan njeljiin olbmuin bearjadaga rájes.
Golbma olbmo ožžot divššu korona dihte Davvi-Norgga buohcceviesuin.
Oktiibuot leat 10.323 olbmui njommon dávda Norggas dan rájes go dávda bođii.
(©NTB)
