Ráđđehus almmuha 2 miljovnna ruvnnu gielddaide mat láhčet nu ahte gaskal 12- ja 25-jahkásaš nuorat sáhttet oažžut vásáhusaid guolástanbarggus.
– Lean deaivvadan olu gánddaiguin ja nieiddaiguin geat niegadit šaddat guolásteaddjin ja eallit meara alde muhtun beaivvi. Dál ožžot vejolašvuođa geahččalit niegu, dadjá guolástus- ja mearraministtar Bjørnar Skjæran.
Norgga gielddat sáhttet ohcat doarjaga 200.000 ruvnnu rádjái nuoraidguolástanprošektii 2023 geassái. Ohcanáigemearri lea guovvamánu 28. beaivi.
2022 geasi ožžo 112 nuora, čieža gielddas, geassebarggu guolásteaddjin gielddalaš prošeavttaid čađa. Lei vuosttaš jahki go ortnet geahččaluvvui.
