-Almmuhus-
-Almmuhus-
OĐĐASAT 11000 olbmo ožžot gelbbolašvuođa loktema 

11000 olbmo ožžot gelbbolašvuođa loktema 

-

-

Ráđđehus dieđiha dál ožžot 1.100 kurssa doarjaga Kompetansepluss ortnega bokte. Romssa ja Finnmárkku fylkkii leat juolludan 12 376 000 kruvnna.

Máhttodepartemeanta dieđiha preassadieđáhusas ahte dál ožžot 11.000 ollesolbmo gelbbolašvuođa loktema Kompetanse Norge Kompetansepluss ortnega bokte. Kurssaide leat juolludan  172 miljovnna kruvnna.

– Bargoeallin rievdá olles áiggi ja bargoaddit, bargit ja oahpahussuorggit ožžot ođđa gáibádusaid. Mii fertet fuolahit ahte olbmot sáhttet eallinagi oahppat, maiddái go leat barggus, lohká dutkan- ja alit oahpahusaministtar Henrik Asheim.

Dál ožžot 1.100 kurssa doarjaga Kompetanse Norge Kompetanseplussortnega bokte. Ruđat mat juolluduvvojit, galget nannet bargiid gelbbolašvuođa earret eará IKTs (diehtojuohkin- ja gulahallanteknologiija) ja dárogielas.  – Ráđđehusa ulbmil lea ahte ii oktage galgga govssahallat váilevaš gelbbolašvuođa geažil. Bargosajit leat dehálaš báikkit oahppamii. Kompetansepluss bokte ožžot eanet rávis olbmot ođđa gelbbolašvuođa kurssaid bokte. Lea dehálaš máhttit dustet ođđa gáibádusaid ja rievdadusaid bargoeallimis, joatká Asheim. 

Romssa ja Finnmárkku fylkii leat juolludan 12 376 000 kruvnna.

Dás gávdná listtu mii čájeha man olu juohke fylka lea ožžon: www. kompetansenorge.no/tildelinger

– Mii háliidat eanet olbmot galggašedje beassat eanet oahppat seammás go leat barggus. Dat lea sivvan manin mii lasihat juolludemiid mat leamaš jođus 2013 rájes, čilge Asheim.

- Advertisement -
-Almmuhus-