Girdinfitnodagas ledje suoidnemánus dán jagi 292 000 mielčuovvu, mii lea guokte duháha olbmo eanet go diimmá seamma áigodaga loguid mielde.
Lássaneapmi lea 0,7 proseantta.
Vaikko kápasitehta lea lássanan 9 proseanttain 2022 ektui, de nu gohčoduvvon kabinfaktor dán jagi lea 75 proseantta mannan jagi 77,9 proseantta ektui.
Alla kabinfaktorproseanta mannan jagi lea ovtta ládje čadnon SAS girdifitnodaga bargoheaitagii, čilgejit Widerøe fitnodaga preassadieđus.
Árabut dán geasi girdifitnodat Norwegian osttii Widerøe 1,1 miljárdda ruvdnui. Ovdal go oastin sáhttá čađahuvvot, de ferte Gilvobearráigeahčču dan dohkkehit.
(©NTB)
