Norgga vuodjinoahpposkuvllat ja vuodjinoahpaheaddjit miehtá riikka čájehit bearjadaga vuostehágu jávkanmearrádussii ja gáibidit ahte vuodjinhárjehallan galgá leat dohkkehuvvon jávkan joatkkaskuvllas.
Norgga vuodjinoahpposkuvllat ja vuodjinoahpaheaddjit miehtá riikka čájehit bearjadaga vuostehágu jávkanmearrádussii ja gáibidit ahte vuodjinhárjehallan galgá leat dohkkehuvvon jávkan joatkkaskuvllas.
Bearjadaga golggotmánu 21. beaivvi dollejit vuodjinoahpaheaddjit ja johtolatoahpahussuorgi Trafikkforum Stuoradikki lusa čájehit vuostehágu ođđa mearrádussii ahte joatkkaskuvlaoahppit eai oaččo jávkat eambbo go 10 proseantta skuvllas ovdal go masset árvosáni fágain.
Eanet bealit oahpahusas
Máhttoministtar lea máŋgii lohkan ahte vuodjinskuvllat fertejit heivehit vuodjimiid ođđa jávkannjuolggadusaid ektui ja baicce fállat eahkediid vuodjindiimmuid.
– Vuodjinoahpahusas ii galgga dušše oahppat johtolaga njuolggadusaid ja vuođđomáhtu johtolagas. Oahpahus deattuha oahpahit riskaipmárdusa, iežas ipmirdit ja máhttu iežas láhttenmálle árvvoštallat, dieđiha Trafikkforum preassadieđáhusas.
Dehálaš beaivet hárjehallat vuodjit
Vai 0-višuvdna olahuvvo, mihttu ahte ii okta ge galgga roasmmohuvvat dahje jápmit johtolagas, de lea dehálaš ahte stuora oassi vuodjinhárjehallamis dáhpáhuvvá ovttas earáiguin dábálaš johtolagas, mii lea árgabeivviid beaivet. Dan lea váttis olahit go jávkanmearrádus lea gáržžiduvvon.
– Lea dehálaš ahte nuorat vázzet skuvllaid. Min servvodagas vurdojuvvo maid ahte nuorra bargoohcciin ja oahpahalliin lea vuodjinkoarta, dadjá Trafikkforum.
– Mii oaivvildit ahte lea boastut go vuodjinhárjehallamis šaddá jávkat skuvllas, ja eará doaimmat nu go luohttámušolmmoš, politihkalaš bargu, veahkkebargu ja našunála ja internašunála ovddastanbarggut eai merkejuvvo jávkamin, oaivvilda Trafikkforum.
