Codan dáhkádusfitnodaga iskkus čájeha ahte guđas logi olbmos stivrejit musihka vuojedettiin. Čájehuvvo ahte olu biillain ferte šerbmii geahččat go dahká dan.
Codan dáhkádusfitnodat dieđiha preassadieđáhusas ahte guđas logi olbmos stivrejit musihka vuojedettiin.
Olu biillain ferte šerbmii geahččat go dahká dan.
– Lea várálaš eará sadjái geahččat vuojedettiin, deattuha Autoriserte Trafikkskolers Landsforbund (Autoriserejuvvon Johtolatskuvllaid Riikkalihttu) diehtojuohkinhoavda Jan Harry Svendsen.
Iskosa logut čájehit
Norstat lea čađahan iskosa Codan dáhkádusa ovddas ja 62 proseantta vástidit ahte sii lávejit molsut rádiokanálaid dahje rádio ja musihka gaskkas vuojedettiin.
Boarráset biillain eai leat boalut maid sáhttá botnjat, muhto ođđa biillain lea šearbma masa ferte geahččat go molsu stereorusttega rádio, musihka ja kártavuogádaga gaskkas.