-Almmuhus-
SMÁVVAOĐĐASATAin badjel 26 000 fievrru mat eai leat dáhkiduvvon Norggas

Ain badjel 26 000 fievrru mat eai leat dáhkiduvvon Norggas

-

-

Lohku biillain mat eai leat dáhkiduvvon Norgga geainnuid alde lea njiedjamin, muhto leat liikká badjel 26 000.

Norgga eiseválddit mearridedje njukčamánus 2018 divada buohkaide geat vudjet fievrruiguin main ii leat dáhkádus. Vuosttaš jagi njiejai dakkár fievrruid lohku sakka, dan maŋŋá lea mannan njozet.

Nationen dieđuid mielde ledje cuoŋománu álggus oktiibuot 26 394 biilla Norggas main ii lean dáhkádus. Dain leat 12 878 biilla, 4 205 mopeda ja 3 937 gálvobiilla.

Buot fievrruin main leat galbbat galget lága mielde leat dáhkiduvvon. Molssaeaktun lea váldit eret galbbaid.

2021:s dieđihuvvojedje 481 vahága dáhkaduskeahtes fievrruid geažil. Sáhttá šaddat issoras divrras jus geavvá lihkohisvuhtii dakkár biillain mas ii leat dáhkádus, čállá aviisa.

(©NTB)

-Almmuhus-