Go bargoheaittá dál nohká de SAS vuoruha viežžat ruoktut turisttaid geat bargoheaitta geažil leat šaddan orrut olgoriikas. – Muhto dat bargu ádjána, cealká preassahoavda Tonje Sund.
– Leat turisttat geat eai leat beassan eret olgoriikkain gean vuoruhat, muhto bargu viežžat sin ádjána ja varra ádjána moadde beaivvi ovdalgo leat dábálaš doaimmain fas, dadjá gulahallanhoavda SAS:s Tonje Sund NTB:i.
Maŋŋel 15 beaivvi bargoheaitta, de leat SAS ja pilohtasearvvit ovttaoaivilis.
– Leat dađibahábut olu girdit mat fertejit ráhkkanahttojuvvot go leat čužžon badjel guokte vahkku. Lea čađahuvvon divodeapmi girdiin dan botta go leat čužžon, muhto eai leat dárkkistuvvon ja dohkkehuvvon nu ahte sáhttet girdilit ovttatmano. Dasa lassin fertejit sirdojuvvot ja girdiveahka vižžot, dadjá Sund.
(©NTB)
