SAS dieđiha 457 miljovnna ruvdnosaš bohtosa ovdal vearu miessemánus suoidnemánnui. Dát lea girdifitnodaga vuosttaš badjebáza njealji jahkái.
– Leat duhtavaččat go mis lea fas badjebáza ja alimus mielčuovvolohku ovdal pandemiija rájes. Boađus čájeha ahte leat rievttes guvlui jođus, seammás go ain lea olu bargu báhcán, earret eará galgá kapitálaviežžan gárvvistuvvot boahtteáiggis. Muhto mis lea čielga áigumuš dasa ahte SAS maiddái boahtteáiggis galgá leat gilvonávccalaš ja geasuheaddji fitnodat kundariidda, dadjá SAS Norgga hoavda Kjetil Håbjørg, NTB:i.
Seamma kvartálas diibmá massii SAS masá guokte miljárdda Ruoŧa ruvnnu ovdal vearu.
