Sotnabeaivvi ledje golbma ođđa positiiva koronaiskosa Romssas. Guovttis dain leat lagasolbmot oktii geas lea duođaštuvvon korona, muhto golammádis eai dieđe njoammungáldu.
– Mii bargat ain viidáset odne njoammunguorramiin, dadjá suohkanváldodoavttir vávttas, Inger Hilde Trandem, suohkana preassadieđáhusas.
Dál leat 27 olbmo isolašuvnnas ja 115 olbmo erremis.
Drop-in iskkus
Lea stuorra dáhttu iskat koronanjoammuma juovlabasiin. Dál viiddida Romssa suohkan fálaldaga, ja dál lea vejolaš váldit drop-in iskosa maŋŋebárgga ja gaskavahku, Mellomvegen 110 báikkis (boares oahpaheaddjeskuvllas).
Plánejuvvon iskosat gaskavahku kororna iskkusjorris gávpotguovddážis leat sirdon Mellomvegenii.
– Lea menddo buolaš ahte olbmot galget vuordit vuoru olgun, dadjá ossodatjođiheaddji Per Harald Korsmo.
Rabasáiggit drop-in iskosis
Maŋŋebárgga: 09:00-14:30.
Gaskavahku: 09:00-19:00.
Buohkat geat bohtet fertejit bidjat njálbmesuoji, čájehit legitimašuvnna ja muitalit fástadoaktára nama. Iskosa vástádus boahtá Helsenorge.no bokte.
– Mis leat golbma stašuvnna rahpasat, dain lea buorre kapasitehta ja doaivumis unnán ráidu, lohká Korsmo.
