-Almmuhus-
-Almmuhus-
SMÁVVAOĐĐASATBovdejit gulaskuddan­čoahkkimii 

Bovdejit gulaskuddan­čoahkkimii 

Journalista

-

-

Romssa suohkan bovde gulaskuddančoahkkimii Duohtavuođa- ja soabahankommišuvnna raportta birra. 

Duohtavuođa- ja soabahankommišuvdna geigii raporttastis Stuoradiggái geassemánu 1. beaivvi mas leat guorahallan dáruiduhttinpolitihka sápmelaččaid, kvenaid ja norggabealsuopmelaččaid vuostá. 

Boahtte lávki dán barggus lea soabadeapmi.

Romssa suohkan áigu gieđahallat raportta ja dan oktavuođas bovde biras-, faláštallan-, kultuvra- ja servodatovdánahttinlávdegoddi ássiid gulaskuddančoahkkimii. Sihke searvvit ja priváhtaolbmot besset buktit cealkámušaideaset rapportii ja viidáset bargui. 

Gulaskuddančoahkkin lea rabas buohkaide, muhto jus dáhttu sátnesaji, de ferte dieđihit dan birra ovdagihtii. 

Gulaskuddančoahkkin lágiduvvo Romssa ráđđeviesu ovdagoddesálas juovlamánu 19. beaivvi diibmu 18:00-20:00. 

-Almmuhus-