Miehtá riikka leamaš buollašat maŋimuš vahkuid ja olbmot vásihit ahte biilla bahtteris nohká elrávdnji. – Dan sáhtát garvit go báhttera bajásdoallamiin, lohká NAF gulahallan seniorneavvu Nils Sødal.
Guoros báhtter lea dábálamos sivva go olbmot bivdet NAF (Norgga Automobiilalihtu) veahkehit.
– Olusat botnjet stuollolieggasa, stivrranlieggasa ja lieggarusttega olles lieggasa ala go bonjastii čoavdagiin biilamohtora johtui, Jus vuojaša smávva mátkkiid árgabeivviid, de ii ádján guhká ovdal go vuolggabáhtter lea guorus. Dat guoská ođđasut ja boarrásat biillaide mat geavahit bensiinna, diesela dahje elrávnnji. Ođđasamos biillain lea nu elektronihkka ahte lea hirbmat dehálaš ahte báhtteris lea dievva elrávdnji, čilge NAF gulahallanseniorneavvu Nils Sødal preassadieđáhusas.
Dievva elrávdnji báhtteris
Ođđa biillain lea nu olu elektronihkka ahte dárbbaša olu elrávnnji, ii dušše go vuodjá biillain, muhto maid go biillain ii vuoje. Lea maid losit báhtterii vuolggahit galbma mohtora dálvit.
– Jus biila ii vuolgge buolašin, ládde de báhttera. Vaikko oažžu veahki biilla oažžut johtui, de dárbbaša báhtter eambbo elrávnnji vai bissu dássidis dásis, rávve Sødal ja čilge ahte báhtter guorrana jođánabbot jus ii leat ollásit láddejuvvon.
Sødal muitala ahte gávdno bajásdoallanládder gávppis, ja jus dainna dávjá ládde báhttera, de lea álki vuojána oažžut johtui. Nils Sødal muittuha ahte jus lea moadde beaivvi barttas, de gánnáha láddet báhttera ruovttus, amas ii dárbbaš bivdit veahki.
