Dál ii leat šat vejolaš searvat «Čálestan dál» gilvui, muhto mii joatkit ain almmuhit čállosiid maid leat ožžon áigemeari siskkobealde, dá okta dain:
Dál ii leat šat vejolaš searvat «Čálestan dál» gilvui, muhto mii joatkit ain almmuhit čállosiid maid leat ožžon áigemeari siskkobealde, dá okta dain:
Váimmu dálkkas
Buvttát čuovgga ja lieggasa,
nu galmmas go leatge,
unna muohtačalmmáš.
Losses ja váivves jurdagat
gáidet veagalge
eret mu jurdagiin.
Árbmugasat sattáhalat
litna liegga govččasin
balssaide ja bovnnaide.
Hilbesdiŋga,
heaŋgasat soahkeovssiide.
Skirriid ja reatkkáid gal
čiŋahat vilges gávttiide.
Silba násttit šealggáhallet duos dás,
časkkašit munnje čálmmiideaset,
českes ođđa muohttagis.
Veaddján fas mánnán
ja vádjolan dego geidojuvvon
jaskes muhtton vuvddiid
suollemas máilmmis.
Bisánasttán duos dás ja
vilppodan dego skuolfi
duohkut deike.
Áigi lea measta orustan,
háliidan ájatallat ain bottoža
gelddolaš niehku ilmmistan.
Dál gal veajan fas máhccat
geađge gávpoga goalše
garra gáhtaid šloahtat.
Čálli ii hálit almmuhit namas
Buot «Čálestan dál» čállosiid gávnnat dáppe.