-Almmuhus-
-Almmuhus-
-Almmuhus-
Featured box1Lágidit čállin­gilvvu, lokten dihte sámi girjjálaš­vuođa árvvu

Lágidit čállin­gilvvu, lokten dihte sámi girjjálaš­vuođa árvvu

-

-

Tjallegoahte girjjálašvuođaguovddaš lágida ovttas Ávviriin čállingilvvu golmma sámegillii.

Ávvir ja Tjállegoahte girjjálašvuođaguovddáš ovttasbarget čállingilvvu lágideamis. Noveallagilvvus lea fáddá «Ráhkisvuohta Sámis – Gieresvuohta Sámen – Gieriesvoete Saepmesne», ja beassá searvat golmma sámegillii.

Tjállegoahte jođiheaddji, Lea Simma, háliida loktet girjjálašvuođa beroštumi ja árvvu. Son oaidná ahte lágidit dákkár čállingilvvuid sáhttá leat okta vuohki dan dahkat.

– Mii leat hui ilus go mis lea vejolašvuohta Ávviriin fállat muitalusaid guldaleddjiide ja fiinna vuoittuid čálliide.

LOKTET ÁRVVU: Tjállegoahte jođiheaddji Lea Simma háliida loktet girjjálašvuođa árvvu. Govva: Cjutsi
LOKTET ÁRVVU: Tjállegoahte jođiheaddji Lea Simma háliida loktet girjjálašvuođa árvvu. Govva: Cjutsi

Simma sávvá ahte bohtet olu muitalusat miehtá Sámi vai girjjálašmáilbmi viidu.

– Sápmi dárbbaša eanet muitalusaid, eanet čálliid, eanet lohkkiid ja guldaleddjiid, muitala son.

Besset ieža válljet

Ávvira prošeaktajođiheaddji, Elin Marakatt, sávvá ahte olusat servet čállingilvui.

– Livčče erenomáš somá gullat eanet ráhkisvuođamuitalusaid Sámis. Lea maid somá ahte čállit sáhttet válljet guđemuš sámegillii háliidit čállit, čilge Marakatt.

GOLMMA SÁMEGILLII: Ávvira prošeaktajođiheaddji Elin Marakatt muitala ahte čállit besset válljet makkár sámegillii čállet. Govva: Saia Stueng
GOLMMA SÁMEGILLII: Ávvira prošeaktajođiheaddji Elin Marakatt muitala ahte čállit besset válljet makkár sámegillii čállet. Govva: Saia Stueng

Ulbmil čállingilvvuin lea ahte Ávvir sáhttá báddet vuoitonoveallaid, ja almmuhit daid jietnagirjjin Ávvira podcasta bokte boahtte giđa.

Illuda almmuhit

Ávvira váldodoaimmaheaddji, Kari Hermansen, mielas lea somá leat mielde movttiidahttime čállit sámegillii ja addit čálliide vejolašvuođa searvat gilvui.

– Juohke áidna sátni mii čállo ja almmuhuvvo sámegillii lea mielde lokteme giela ja giela árvvu, čilge son.

SÁVVÁ OLUSAT SERVET: Ávvira váldodoaimmaheaddji Kari Hermansen sávvá olusat servet čállingilvui. Govva: Nils Johan Vars
SÁVVÁ OLUSAT SERVET: Ávvira váldodoaimmaheaddji Kari Hermansen sávvá olusat servet čállingilvui. Govva: Nils Johan Vars

Hermansen maid sávvá ahte olusat servet ja illuda beassat almmuhišgoahtit ođđa čállosiid lohkkiide ja guldaleaddjiide.

Čállingilvvus sáhttá čállit novealla juogo davvi-, julev- dahje máttasámegillii. Noveallagilvvu vuoiti oažžu 10 000 ruvnno, nubbin oažžu 5 000 ruvnno ja goalmmádin ges 3 000 ruvnno.

Seammás beassá almmuhit iežas novealla Ávvir ja Tjállegoahte bokte.

Loga maid:
Čállingilvvu njuolggadusat ​

Loga maid:
Tjállemgilbos Ráhkisvuohta Sámis – Gieresvuohta Sámen – Gieriesvoete Saepmesne

Loga maid:
Gaahtjemen njoelkedassh

-Almmuhus-