Norgga biilavuoddjit eai čájet doarvái buori ovddasvástádusa eará matkkošteddjiide. Nu čájeha ođđa iskkadeapmi
– Norggas leat beare ollu váttisvuođat johtolagas sihkkelasttiid ja biilavuddjiid gaskkas, ja dan eat liiko. Váilevaš gulahallan matkkošteddjiid gaskkas, sáhttá dagahit várálaš dilálašvuođaid ja lihkohisvuođaid, dadjá Trygg Trafikka senioraráđđeaddi, Gunnar Mathisen.
Iskkadeapmi lea čađahuvvon YouGov:as, Trygg Trafikk ja Tryg dáhkádusfitnodaga ovddas. Sii leat kárten Norgga sihkkelastiid vásáhusaid johtolagas.
Stuora vahátvejolašvuođat
Bealli sis geat leat sihkkelastten unnimusat oktii dan maŋemus jagi, vásihit ahte biilavuoddjit eai váldde sin vuhtii.
– Sihke biilavudjiin ja sihkkelasttiin lea ovddasvástadus vuhtiiváldit nubbi nuppi johtolagas. Biila dahká olu stuorát vahága go sihkkel, ja sii geat leat buot rašimusat johtolagas leat sihkkelasttit stuora guorbmebiillaid duohken. Sihkkelastiin leat liikka olu rievttit luottaid alde go eará mátkkošteddjiin ge, dadjá son.
