-Almmuhus-
SMÁVVAOĐĐASATŠleđggon­geavaheapmi ii lassán

Šleđggon­geavaheapmi ii lassán

Journalista

-

-

Norggas mii leat čeahpit geavahit šleđggona, muhto eat doarvái čeahpit. – Measta viđas logi olbmos geavahit šleđggona. Lassáneapmi lea dađi bahábut bisánan, dadjá Trygg Trafikk Ann-Helen Hansen.

Trygg Trafikka jahkásaš šleđggonlohkan vássán jagis čájeha namalassii ahte viđas logi rávesolbmos (48 %) geavahit šleđggona seavdnjadin. Lohku lea juste seamma go 2022:s lei, mii maid dušše lei veahá buoret go 46 % 2021:s.

– Dat mii lea positiiva lea go oalle máŋggas geavahit šleđggona. Logut bissot oalle dássedin, muhto ain vánddardit sullii bealli šleđggona haga seavdnjadin. Lea balddihahtti go eat oainne ovdáneami dás, dadjá Trygg Trafikka gulahallanráđđeaddi Ann-Helen Hansen preassadieđáhusas.

Oaidnemeahttun šleđggona haga

Dat logut leat jahkásaš lohkan das gallis geavahit šleđggona maid Trygg Trafikk čađaha ovttasráđiid Ipsosiin buot riikka fylkkain. Leat čađahuvvon badjel 28 000 registrerema. 

– Norggas leat obbalaččat čeahpit johtolatsihkarvuođain, iige Norga gohčoduvvo duššiid dihte máilmmimeašttirin johtolatsihkarvuođas. Muhto dákko oaidnit ahte mii oalát bisánit beassat dan maŋemus lasá badjel oažžut vel eambbosiid geavahit šleđggona, čilge Hansen.

Oktasaš ovddasvástádus

– Mis lea buohkain ovddasvástádus oidnot johtolagas leažžat dál vázzime, sihkkelastime dahje biillain vuodjime. Šleđggona haga leat njulgestaga oaidnemeahttun seavdnjadasas. Dákko eat sáhte vuollánit ovdal go buohkat oidnojit. Gáibida veahá go go vázziolmmoš dahje sihkkelastti galgá oidnot, muhto šleđggon seavdnjadin berre leat liikká diehttelas go biilaboahkána geavahit, dadjá Hansen.

Fŧlkkaid šleđggongeavaheaddjelistu

Trøndelága: 67 %

Romsa ja Finnmárku: 58 %

Innlandet: 58 %

Nordlánda: 56 %

Møre ja Romsdal: 53 %

Viken: 42 %

Rogalánda: 41 %

Vestlánda: 41 %

Vestfold ja Telemárku: 40 %

Agder: 35 %

Oslo: 35 %

Norga obbalaččat: 48 %

-Almmuhus-