-Almmuhus-
-Almmuhus-
OĐĐASAT Unnit bargo- ja oahpahuskeahtes nuorat

Unnit bargo- ja oahpahuskeahtes nuorat

-

-

Oassi gaskal 16- ja 25-jahkásaš nuorain geat eai ceavzze dahje vácce joatkkaskuvlla njiedjá. 2018:s lei oassemearri 14,4 proseantta, Oahpahusdirektoráhta dieđuid mielde.

2014 rájes lea leamaš ceahkálas njiedjan. Dalle lei oassemearri 17,1 proseantta.

Sullii bealli nuorain geain ii lean joatkkaskuvlaoahppu ii lean bargu ge. Dát oassi lea maid njiedjan.

Erohus fylkkaid gaskka lea stuoris.

2018:s ledje fylkkaid gaskka Finnmárkkus eanemus nuorat geain ii lean joatkkaskuvlaoahpahus, 21 proseanttain.

Unnimus lei Sogn ja Fjordanes, gos oassemearri lei 11 proseantta.

 

Unnimusat cevzet Finnmárkkus

Sis geat álge joatkkaskuvlii 2013:s, ollašuhtte 75,3 proseantta oahpahusa viđa jagis.

Dát lea alimus oassemearri dan rájes go iskkadeamit álge ja lea lassáneapmi 0,2 proseantačuoggáin maŋit jagis.

Eatnašat ollašuhttet ja cevzet Akershus ja Sogn ja Fjordanes, unnimusat ges Finnmárkkus.

Seammás lea Finnmárkkus ja Romssa fylkkain gos lea leamaš stuorámus lassáneapmi nuorain geat ollašuhttet ja cevzet 2006:s gitta 2013:i.

Buot fylkkain lea dát oassemearri lassánan.

Ráđđehus háliida nannet rievdanáigodaga nuoraidskuvllas joatkkaskuvlii ja bijahit eambbo doaimmaid árabut mii veahkeha ohppiid geat dárbbašit lasi doarjja.

Ráđđehus galgá ráhkadit stuorradiggedieđáhusa joatkkaskuvla oahpaheami birra mas mihttu lea ahte 90 proseantta sis geat álget joatkkaskuvllaide galget ceavzit ja ollašuhttit ovdal 2030, máhttodepartemeanta mielde.

©NTB

- Advertisement -
-Almmuhus-