Boahtte jagi besset bivdit moadde čuođi tonna unnit gonagasreappá go dál.
Boahtte jagi besset bivdit moadde čuođi tonna unnit gonagasreappá go dál.
Ráđđehus lea mearridan rievdadit boahtte jagi gonagasreabbáeari.
Earri vuoliduvvo go dutkit leat gávnnahan ahte gonagasreappát leat unnun guovllus gos daid bivdet.
– Mii čuovvolit dutkiid ávžžuhusa ja unnidit bivdoeari veaháš. Mii háliidit ahte gonagasreabbábivdu galgá gánnihahti, muhto seammás ii galgga gonagasreabbá leavvat miehtá, dadjá Ealáhus- ja guolástusdepartemeantta stádačálli Veronica Pedersen Åsheim preassadieđáhusas.
300 tonna unnit
Oktiibuot besset boahtte jagi bivdit 1750 tonna varis gonagasreappá, earri lea vuoliduvvon 250 tonnain dán jagi ektui.
Njiŋŋelas reabbáearri fas vuoliduvvo 50 tonnain, boahtte jagi oažžu bivdit 100 tonna njiŋŋelasaid.
Bivdoearit gullet regulerejuvvon guovlluide nuorttabealde 26° Finnmárkkus.