Smávit duopmostuolut šaddet eanemus gillát ja ráđđehus sihtá seastit 16,5 miljovnna ruvnno. Dat sáhttá dagahit ahte eai šatta nu guhkes duomut go vuordináigi guhkku.
Smávit duopmostuolut šaddet eanemus gillát ja ráđđehus sihtá seastit 16,5 miljovnna ruvnno. Dat sáhttá dagahit ahte eai šatta nu guhkes duomut go vuordináigi guhkku.
– Mun lean advokáhttan leamaš áššiin main gillájeaddjit leat garrasit reageren go áššáskuhtti lea ožžon duopmovuolidusa dan dihte go stáhta ii leat nagodan ášši čađahit áigemearrái, dadjá advokáhtta Kjetil Nilsen NRK:i.
Váttis dilli Finnmárkkus
Son vuohttá bures ahte leat unnán bargit Finnmárkku diggegottiin ja dilli gártá váttisin.
– Dat dilli ii leat buorre áššáskuhttiide ja gillájeddjiide, go šaddet vuordit guhkit áiggi ovdal go ášši olle diggái, lohká son.
Eai šat virgát eanet bargiid
2017:s fertejit duopmostuolut seastit 16,5 miljovnna ruvnno. Dasa lassin leat ovdal gohččon seastit 30 miljovnna ruvnno. Duopmostuoluin leat maid bissehan virgádeames eanet bargiid.
Duopmostuollohálddahusa guorahallamis boahtá ovdan ahte Nuorta-Finnmárkkus váilo 0,9 duopmára ja guokte áššemeannudeaddji diggegottis. (©NTB)