Leat guoradeame geat studeanttain leat servvoštallan UiT:s
UiT dieđiha preassadieđáhusa bokte ahte okta vuosttašjagi juridihkkastudeantta lea ožžon covid-19 dávdda. Romssa suohkana njoammunguorranjoavku lea identifiseregoahtán olbmuid geat leat studeanttain servvoštallan UiT:s.
UiT čállá ahte studeantta lea erremis. Njoammunguorranjoavku váldá oktavuođa 12 mielstudeanttaiguin geat leat joavkooahpahusain leamaš studeantta fárus. Sin luohkkálatnja lea giddejuvvon ja galgá bassot ovdal go fas adno.
UiT čállá ahte studeanttain vuosttaš juridihka ossodagas rivdet diimmut.
Muđui eai rievdda earáin UiT:s diimmut ja doaimmat.
