Kvena ja norggasuoma nuorat vásihit ahte sii olgguštuvvojit servodagas. Dál háliidit UIT – Norgga árktalaš universitehta dutkit ovdánahttit doaimmaid mat buoridivčče diehtodási dán joavkku birra sihke oahpahusas ja dearvvašvuođabálvalusain, geahpedan dihtii vejolaš vealaheami.
RBKU Nord (mánáid ja nuoraidregionála diehtoguovddáš Nord) lea ovttasráđiid Mental Helse Ungdom ásahusain ožžon 2,9 miljovnna kruvnna Stiftelsen Dam prošektii UiT ođđa dutkanprošektii Kasuta (bajásšaddat kvenagillii). Ulbmil prošeavttain lea eastadit vealaheami ja ovddidit ovttadássásaš vuoigatvuođaid ja vejolašvuođaid nuoraide geain lea kvena/norggasuoma duogáš, skuvllain ja almmolaš ja eaktodáhtolaš fálaladagat mat gusket psyhkalaš dearvvašvuhtii, čállo UiT artihkalis.
– Dáruiduhttin váikkuha dál maid, ja mii diehtit ahte go vealaheapmi čoaggana, ahte máŋga buolvva ja iešguđet servodatsurggiid vealaheapmi, sáhttet čuohcat olbmuid psyhkalaš dearvvašvuhtii ja eallinkvalitehtii mánáid ja nuoraid gaskkas dán áiggi. Mii doaivut dát dutkan sáhttá eastadit vealaheami, lohká dutki Soile Päivikki Hämälainen gii galgá dáin bargat olles áiggi 2026 lohppii.
Professor Anita Salamonsen jođiha prošeavtta.
Lei álgoprošeavtta «NuoriKvääni/UngKven» ahte fuomášedje dárbbu Kasu-prošektii. Lea kvena/norggasuoma nuoraidorganisašuvdna Kvääninuoret mat lea oassin prošeavttas, dadjet čuovvovaččat:
– Kvenanuorat leat hui giitevaččat go dán barggu bokte leat ožžon johtui dán dutkama, ja erenoamáš duhtavaččat go dát dutkan galgá váikkuhit konkrehta doaibmabijuid vai šaddá álkibun bajásšaddat kvena/norggasuoma olmmožin. Mii oaidnit leat hirbmat stuorra dárbu oahppat eambbo dáid dieđuid birra.
