Politiijat Romssas dieđihit ahte sotnabeaivve manai uđas Sáččá sullos Romssa fylkkas.
Stuora heahteveahka, golbma helikoptera ja beatnagat sáddejuvvojedje Kvænan várrái Sáččás sotnabeaivve 12 áigge, go golbma olbmo ledje šaddan uđđasii. Uđas lei 500 mehtera govdat ja bođii 600 mehtera allosaš váris.
Diimmu maŋŋel dieđihedje politiijat ahte buohkat gávdnojedje heakkas ja helikopter doalvvui sin eret báikkis. Okta sis, 30 jahkásaš olgoriikkalaš, girddihuvvui Romssa universitehta buohccevissui go lei geahppasit roasmmohuvvan.
