-Almmuhus-
-Almmuhus-
OĐĐASAT Suopma guhkida mátkkoštan­ráddje­husaid

Suopma guhkida mátkkoštan­ráddje­husaid

-

-

Suoma stáhtaráđđi lea mearridan joatkit mátkkoštanráddjehusaiguin cuoŋománu lohppii.

Sivvan mearrádussii lea koronapandemiija ja eastadan dihte koronavariánttaid njoammuma de guhkidit ráddjehusaid olles cuoŋománu. Suoma ássiin lea álo riekti boahtit riikii ja sáhtát maiddái beassat Supmii jus leat sierra spiehkastanákkat, čállá Suoma sisriikaministeriija. 

Suopma gáržžida mátkkoštemiid buot Schengen-riikkaide earet Islándii. 

Maiddái Austrália, Mátta-Koarea, Singapore, Rwanda, Thaieatnama ja Ođđa-Selándda mátkkošteaddjit ožžot boahtit Supmii go njoammun dain riikkain lea doarvái vuollin, dieđiha Suoma sisriikaministeriija. 

Suopma ávzzuha maid ássiid garvit dárbbašmeahttun olgoriikamátkkiid pandemiijaáiggis. 

-Almmuhus-