Suoma filbmafoanda lea juolludan geassemánu álggus 5,5 miljovnna euro. Golbma sámi filmma ožžo doarjaga.
Sámi bagadalli Elle Sofe Sara luohtemusikála ja guhkesfilbma «Árru» oažžu 150 000 euro buvttadandoarjjan Suoma filbmafoandddas.
Maiddái sámi filbmadahkki Paul Anders Simma oažžu doarjaga su drámáráidui «Boazo Prinseassa». Simma oažžu 30 000 euro iežas prošektii.
Dokumentárafilbmii «Eanuid eadni», mainna bagadallit Inga-Wiktoria Påve ja Roberto Coen bargaba, lea juolluduvvon 20 000 euro buvttadandoarjja. Nu dieđiha Suoma filbmafoanda.
