Sámediggi ja Ealáhus- ja guolástusdepartemeanta leat soahpan ahte galgá leat seamma sallitearri dán jagi go mannan jagi. Dasa lassin áigu Guolástusdirektoráhtta iskat mo earret eará galgá guorahallat joavkku hástalusaid.
Sámediggi ja Ealáhus- ja guolástusdepartemeanta leat soahpan ahte galgá leat seamma sallitearri dán jagi go mannan jagi. Dasa lassin áigu Guolástusdirektoráhtta iskat mo earret eará galgá guorahallat joavkku hástalusaid.
– Rabas joavkku guolásteapmi lea deaŧalaš hui ollugiidda sámi guovlluin, ja jus boasttu vugiin ráddje sin vejolašvuođaid bivdit sallida, nu mo Norgga guolásteddjiidsearvi (Norges Fiskarlag) ja Guolástusdirektoráhtta leat evttohan, de das leat negatiiva váikkuhusat sidjiide, dadjá sámediggeráđđi Silje Karine Muotka.
Evttohuvvon unnidit
Muddenčoahkkimis skábmamánus 2015 evttohii Norgga guolásteddjiidsearvi uhcidit rabas joavkku eari ja fanaseari. Uhcideapmi mielddisbuvttášii 50 – 90 000 ruvdnosaš uhcideami daidda guollebivdiide geaidda dat čuohcá.
Sámedikki mielas dát lei issoras stuorra dienasuhcideapmi ja válddii ášši ovdan sihke guolástusdirektevrrain ja maŋŋá Ealáhus- ja guolástusdepartemeanttain.
Gohččon čoahkkimii
Go guoská rabas joavkku guolásteami (sallit) guorahallamii, de lea guolástusdirektevra gohččon iešguđet organisašuvnnaid čoahkkimii geassemánu 3. beaivvi Birggonii.
– Sámediggi lea hui duhtavaš Ealáhus- ja guolástusdepartemeantta salliteari lasihemiin rabas jovkui ja dainna čuovvolanbargguin maid guolástusdirektevra dál lea dieđihan, dadjá sámediggeráđđi Silje Karine Muotka preassadieđáhusas.
