Anders Nystedt, Norrbottena regiovnna njoammuneastadandoavttir čilge ahte lea stuora njoammunvárra gárddiin go olu olbmot čoahkkanit.
– Olbmot geain leat dávdamearkkat eai galgga mannat gárddiide, čilge son. Dalle dávda njoammu eanemusat, čilge son.
Go olu olbmot čoahkkanit, de lea stuora njoammunvárra, lehkos de gárddis dehe gos nu, muitala son.
– Olgun lea vehá unnit njoammunriska muhto galgá liikká doallat gaskkaid nuppiide. Ja de ii galgga čoahkkanit gáfestallat dehe boradit ovttas stuorit joavkkuide, čilge Norrbottena regiovnna njoammuneastadandoavttir Anders Nystedt Sámerádioi ja SVT Sápmái.
